Ngā Ture Whakamahi a Te Rito

1. Te whakaae ki ngā ture

E hāngai ana Ngā Ture ki ngā kaiwhakamahi i te pūhara Te Rito (Te Rito). Mā te whakamahi i Te Rito e whakaae ana koe ki ēnei Ture.

2. Tō mātau paiherenga ki a koe

Ā mātau ratonga

Ko tā mātau he:

  • tuku i a Te Rito ki a koe i runga i te wairua tūpato me te pūkenga;
  • whakapau kaha ki te whakarite ka taea e Te Rito ngā mea katoa kua kīia

Engari, nā te āhua o te ipurangi me ngā hua whakawhitinga me ngā ratonga (me tō mātau whirinaki ki ngā pūnaha me ngā ratonga ehara nā mātau, kāore i te whakaaetia rānei e mātau), kāore e taea te kī ka haere tonu a Te Rito, kāore e hapa rānei, engari ka ngana mātau i ngā wā katoa kia wawe te whakatika ki te poroa a Te Rito. Arā, e mārama ana koe kāore e taea e mātau te whakaū te wā tika, te mukutanga, te whakaratonga, te rokirokitanga rānei o ngā whakawhitiwhiti kaiwhakamahi, ngā tautuhinga whaiaro rānei ka tukuna e Te Rito.

Tō tūmataitinga

He mea nui tō tūmataitinga ki a mātau. Kei raro e whakarārangi ana he aha ngā raraunga whaiaro ka puritia e mātau mōu, ā, he pēhea tā mātau whakamahi me te tuari. Kei a koe te tikanga ahakoa te wā ki te pātai mai he aha ngā mōhiohio e puritia ana e mātau mōu me te tono anō kia whakatikahia e mātau ngā kōrero hē.

Ina tukuna e mātau a Te Rito ki a koe ka puritia e mātau ngā mōhiohio mōu pērā i ō mōhiohio whakamahinga me te waitohu wā takiuru ("Ngā Mōhiohio Whakamahinga"). E puritia anō e mātau ētahi atu mōhiohio mōu: tō ingoa tuatahi me tō ingoa whānau, te wāhitau īmēra, te kaituku mātauranga rānei e mahi ana koe, me ngā manakohanga whirihoranga pūnaha ("Ngā Mōhiohio Kaiwhakamahi").

Ngā Mōhiohio Whakamahinga

Ka manaakitia e mātau tō matataputanga, ā, ka whakamahia anake e mātau Ngā Mōhiohio Whakamahinga hei tuku i a Te Rito, ā, mō ngā kaupapa haumarutanga hoki. 

Ngā Mōhiohio Kaiwhakamahi

E whakamahia ana e mātau Ngā Mōhiohio Kaiwhakamahi hei tuku i a Te Rito ki a koe, me te whakapai ake me te whakawhaiaro i ō wheako. Ka whakamahia anō pea e mātau Ngā Mōhiohio Kaiwhakamahi hei whakawhitiwhiti kōrero ki a koe, hei tauira, te whakamōhio atu ki a koe mō Te Rito, ngā whakahou haumarutanga me ētahi atu mōhiohio a Te Rito. Ka tuaritia pea e mātau ō Mōhiohio Kaiwhakamahi me ā mātau kaituku ratonga whaimana hei tuku i a Te Rito; ki ngā umanga e toroa ana e koe ā rātau tono mā Te Rito; me tētahi atu tangata e pā ana ki ngā kaupapa haumarutanga a Te Rito.

Te pūrongo tūkino

Mēnā e whakapono ana koe kei te takahia e koe tētahi o ā mātau Ture me wawe tonu te whakapā mai mā te waea atu ki 0800 422 599, te īmēra mai rānei ki service.desk@education.govt.nz.
 

3. Ā mātau whakakape e pā ana ki Te Rito

Te Wāteatanga o Te Rito

Ka whai pānga pea te whirihoranga o tō rorohiko, pūrere, tūmau pūnaha, ētahi atu utauta whakawhitiwhiti ("Ngā Pūnaha") ka whakamahia e koe hei uru atu ki Te Rito, kaua ko tō whakamahi anake i a Te Rito, engari ko tō mātau kaha ki te tuku i a Te Rito ki a koe.
Ka tukuna anake a Te Rito ki ō Pūnaha hāngai ina whai koe i te tūhononga e hiahiatia ana e whiwhi ai koe i a Te Rito, ā, kei raro i ngā tepenga wātea o te ratonga me ngā tepenga taumahinga o ō Pūnaha.

Whakakape ihirangi

Kāore e whakahaeretia, kāore e hoki e taea e Te Tāhuhu o Te Mātauranga te whakahaere, te whakatika rānei te āhua o tō whakamahi, ētahi atu kaiwhakamahi mutunga rānei i ngā ihirangi, ētahi atu rauemi rānei ("Ngā Ihirangi") ka toroa mā Te Rito e tukuna e mātau ki a koe. Nā tēnei, kei runga i a koe Ngā Ihirangi ka toroa, ka tukuna rānei e Te Rito tae atu ki Ngā Ihirangi ka tukuna e koe, ka tukuatu, ka tīkina ake, ka tarea rānei, ka toroa, ka whakawātea mai rānei mā te whakamahi i a Te Rito.

4. Ō kawenga ki a mātau

Ngā kawenga arowhānui

E whakaae ana koe kia kaua e whakamahia a Te Rito hei:

  • tukuatu, tikiake, whakarerekē, tare rānei i Ngā Ihirangi he takahi ture, whakamamae, whakatumatuma, tūkino, whakatūtara, he whakararuraru rānei i te tūmataitinga o tētahi atu, he kaikiri, he houhou ā-karihika, ā-mātāwaka rānei;
  • tukuatu, tikiake, whakarerekē, tare rānei i Ngā Ihirangi kāore rānei i a koe te tika ki te tare, he takahi rānei i ngā tika whakamana ā-ture, moko, manatārua, kaipupuri rānei;
  • tare rānei i Ngā Ihirangi e whai ana i ngā wheori pūmanawa, tētahi waehere rorohiko rānei i hoahoatia hei whakararuraru, tūkino rānei i te taumahinga o tētahi pūmanawa rorohiko, pūmārō rorohiko rānei;
  • whaiwhai, nonoti ranei i tētahi tangata;
  • tuku "mēra paraurehe", "pāme", ētahi atu āhuatanga patipati ōrite rānei

Te tiaki i tō pūkete, kupuhipa me te haumarutanga

Kei a koe te kawenga mō te whai i ngā upane tōtika kia mau ki te matatapu me te haumarutanga o tō ingoa kaiwhakamahi, takiuru, kupuhipa me ētahi atu pūtautuhi whaiaro e whakamahia ana, e tohaina rānei ki a koe e pā ana ki a Te Rito. E whakaae ana koe kia auau te huri i tō kupuhipa, ā, me ngā wā ka tonoa e mātau. Mēnā ka mōhio koe ki tētahi whakamahinga poka noa, tētahi atu takahi haumarutanga i a Te Rito e whakaae ana koe ka wawe tō whakamōhio mai.

Kāore i runga i a mātau te taunahatanga mō ngā makeretanga ka pā pea ki a koe nā te whakamahi a tētahi atu i tō Takiuru Rāngai Mātauranga (ESL), tētahi atu pūtautuhi whaiaro rānei i Te Rito, mēnā ehara nā tō mātau ngoikore i pā mai ai te makeretanga. Engari, kei runga pea i a koe te taunaha mō ngā makeretanga ka pā ki Te Tāhuhu o Te Mātauranga, ā mātau kaiwhakarato rānei, tētahi atu rōpū rānei nā te whakamahi a tētahi atu rānei i tō ESL, tētahi atu pūtautuhi whaiaro rānei, mēnā ehara nā tō mātau ngoikore i pā mai ai te makeretanga.
 

5. Te huri i ēnei ture

Ka huria pea e mātau ēnei Ture mā te huri, te tango rānei i ngā ture onāianei, mā te tāpiri rānei i ngā mea hou ahakoa te wā. Ko ngā huringa pea ko Ngā Ture tino hou anō ērā. Ka whakapau kaha mātau ki te whakamōhio tōmua i a koe mō ngā huringa. Mēnā ki ōu whakaaro he pānga kino ō te huringa ki tō whakamahi i Te Rito ka taea e koe te whakatinana tō tika ki te whakakore i tō pūkete Te Rito.

6. Te kaiponu, te whakatiki rānei i Te Rito

E āhukahuka ana koe kei a mātau te tika ki te whakatārewa, te whakakore rānei i tō pūkete Te Rito mēnā ki ō mātau whakaaro kua takahia e koe ēnei Ture, kua whakahaua rānei koe e tō kaiwhakamana i tautapatia, kua roa rānei e noho "tautauā" ana. Ko te tikanga o te "tautauā" kāore anō kia whakamahia e koe a Te Rito mō te 12 marama, neke atu rānei.